शिरुरला राष्ट्रवादी काँग्रेस पक्षाच्या ऐश्वर्या पाचर्णे नगराध्यक्षपदी विजयी ; भाजपने घवघवीत यश मिळवत ११ नगरसेवक विजयी झाल्याने नगरपरिषदेत ठरला मोठा पक्ष

राष्ट्रवादी काँग्रेस ( शरद पवार ) पक्षाचे शहराध्यक्ष माजी नगरसेवक मुज्जपर कुरेशी,शिवसेना ( ठाकरे ) चे शहरप्रमुख माजी नगरसेवक संजय देशमुख,माजी नगरसेविका व राष्ट्रवादी काँग्रेस ( अजित पवार) चे शहराध्यक्ष शरद कालेवार यांच्या पत्नी मनीषा कालेवार,माजी नगरसेविका सुरेखा शितोळे,माजी नगरसेवक विनोद भालेराव,माजी नगरसेविका रेश्मा लोखंडे यांच्या सह अनेक दिग्गजांना पराभवाचा सामना करावा लागला आहे.मागील कार्यकाळात नगरसेवक असलेले व यंदा निवडणुक लढवीत असलेले नितीन पाचर्णे व संगीता मल्लाव हे दोन  नगरसेवक विजयी झाले.

प्रमुख विजयी उमेदवारा मध्ये माजी नगराध्यक्ष रवींद्र ढोबळे,सागर नरवडे,संतोष थेऊरकर,पूजा पोटावळे,सुनील जाधव,उमेश शेळके,अमित कर्डीले विजयी झाले.

नगराध्यक्ष पदा करिता भाजपचा सुवर्णा लोळगे, राष्ट्रवादी कॉंग्रेस(अजित पवार) च्या ऐश्वर्या अभिजित पाचर्णे व राष्ट्रवादी कॉंग्रेस (शरद पवार ) पक्षाच्या अलका खांडरे, शिवसेना ( शिंदे) च्या रोहिणी बनकर व अपक्ष उमेदवार म्हणून माजी नगराध्यक्षा वैशाली वाखारे या मैदानात होत्या.या निवडणुकीत ऐश्वर्या अभिजीत पाचर्णे यांना ८७९९ इतकी मते मिळवत त्या विजयी झाल्या.तर अलका सुरेश खांडरे यांना ६८७४ मते मिळाली.भाजपच्या सुवर्णा लोळगे यांना  ६७४२ मते मिळाली.नगराध्यक्षपदासाठी पाच तर नगरसेवकपदासाठी २४ जागाकरीता ९८ उमेदवार निवडणूक रिंगणात होते.शिरूरची निवडणूक प्रथमच सर्व राजकीय पक्षांनी चिन्हावर लढविली.यंदाचा निवडणुकीत अनेकांनी ऐनवेळेस उमेदवारीसाठी इतर पक्षात पक्षांतर करून उमेदवारी मिळवली व त्यात काही जणांचे पक्षांतर यशस्वी झाले तर काहीना पक्ष बदलून पराभवास सामोरे जावे लागले.